Më në fund një lajm që të gjithë e prisnin vjen nga shteti më i prekur i Europës nga koronavirusi, Italia.
Mësohet se për herë të parë, pas shpërthimit të koronavirusit, nuk u shënua asnjë rast i prekur në zonën e Codognos.
Kryetari i Bashkisë së Codognos, provincë e Lodit në Lombardi, e cila është dhe zona e parë e prekur nga koronavirusi u shpreh se është shumë i lumtur për këtë fakt dhe se ky është një rezultat shumë i mirë.
Kujtojmë se personi i parë i prekur me koronavirus në Itali u shënua në Codogno më 22 shkurt.
I infektuari ishte një 38-vjeçar që qëndroi për dy javë në reanimacion.
Më në fund ai arriti të marrë frymë vetë ditën e djeshme pa patur nëvoje për aparatura.
Ai u konsiderua si pacienti numër 1, ndërkohë që as sot nuk dihet kush ishte pacienti zero ku shpërtheu dhe virusi.
