Vjen lajmi i madh/ Hapen negociatat, Bashkimi Europian i thotë PO Shqipërisë

Edhe pse vendi ynë po kalon ditë të vështira për shkak të pandemisë së koronavirusit, një lajm shumë i mirë vjen nga Bashkimi Europian.

Mësohet se ministrat e vendeve të BE kanë dhënë OK në mënyrë që Shqipërisë dhe Maqedonisë së Veriut ti hapen negociatat për anëtarësim.

Lajmin e ka dhënë ministri gjerman i shtetit për Europën, Michael Roth.

“Një lajm i mirë në këto kohë të zymtë. Më në fund është dhënë drita jeshile në Këshillin e Ministrave për Europën gjatë videokonferencës për nisjen e bisedimeve për anëtarësim me Maqedoninë e Veriut dhe Shqipërinë. Nga kjo përfiton Bashkimi Europian dhe Ballkani Perëndimor. Urime për Tiranën dhe Shkupin, e keni merituar”, shkruan Roth në Twitter.