“Çdo sipërfaqe përbën rrezik të madh”, deklaron infeksionisti dhe virologu nga Sidnej , ku thotë se çdo njeri duhet të lajë me kujdes frutat dhe perimet që blen.
Profesori i Universitetit të Sidnejt, Timothy Newsome, i specializuar për infeksione dhe në virologji bëri me dije për “Daily Mail” se duke qenë se COVID-19 mund të jetojë në shumicën e sipërfaqeve, njerëzit duhet të bëjnë kujdes me frutat dhe perimet. Kjo për vetë faktin se ato preken nga shumica e njerëzve me dorë dhe lihen sërish në vend.
“Gjëja më e mirë që mund të bëjmë është që të lajmë ato që blejmë me sapun sapo t’i sjellim në shtëpi. Nuk duhet të mendojmë se nxehtësia e gatimit do ta vrasë virusin. Duhet t’i lajmë me ujë të nxehtë dhe me sapun, njësoj siç bëjmë me duart”,– thekson Newsome.
“Nuk mund të testojmë çdo avokado për koronavirus dhe prekja e frutave e perimeve nga njerëzit përbën një rrezik të madhe”– vazhdon më tej virologu.
BURIMI: DAILY MAIL