LIGJET E BIZNESIT
Një ditë pasi kryeministri Edi Rama përcolli 10 mjekë dhe 20 infermierë shqiptarë në aeroportin e Rinasit, të cilët u nisën për në Itali, ka ardhur dhe reagimi i kryeministrit italian Giuseppe Conte.
Ai ndihet mirënjohës për ndihmën që i është ofruar shtetit të tij në këto ditë të vështira në luftën me COVID19.
“Faleminderit” shkruan Conte, duke vendosur dhe flamurin shqiptar përkrah.
Mjekët dhe infermierët do të qëndrojnë një muaj në Itali, ndërkohë që pagesa do të mundësohet nga qeveria shqiptare.
Kujtojmë që Italia është një nga shtetet më të prekura nga koronavirusi, me shifra tragjike ku deri më tani viktimat kanë shkuar deri në 10 mijë.
