Ushtria në rrugë, Rama deklaron: Do mbrojnë popullin, një pakicë do na bëjë hatanë

Kryeministri Edi Rama ka reaguar pasi ushtria doli në terren për të monitoruar nga afër situatën lidhur me zbatimin e masave kundër përhapjes së virusit COVID 19.

Përmes një postimi në “facebook”, kreu i qeverisë thekson se “ushtria do të vihet e gjitha në mbrojtje të popullit nga një pakicë fare e vogël individësh të papërgjegjshëm dhe tradhtarë”, që nuk izolohen në shtëpi, por dalin në rrugë duke rrezikuar të tjerët.

POSTIMI I PLOTË I RAMËS

? TIRANË – USHTRIA DO TË VIHET E GJITHA NË MBROJTJE TË POPULLIT NGA NJË PAKICË FARE E VOGËL INDIVIDËSH TË PAPËRGJEGJSHËM, TRADHËTARË TË VËRTETË, QË MUND TË NA BËJNË HATANË DHE NUK DUHET TË LEJOHEN NË ASNJË MËNYRË, TË MARRIN NË QAFË MIJËRA E MIJËRA TË PAFAJSHËM, E T’U SJELLIN VUAJTJE TË MËDHA DHJETËRA MIJËRA TË TJERËVE?

? DUHET T’I NDALIM ME ÇDO KUSHT DHE DO TË PËRDORIM ÇDO MJET, DERI NË HEQJEN E PLOTË TË LIRISË NËSE NUK DO TË TËRHIQEN URGJENTISHT NGA RRUGA E TYRE QORRE?

? POPULLI NUK I’A KA BORXH ASNJË INDIVIDI TRADHËTINË NË KËTË PËRPJEKJE KOMBËTARE PËR JETËN E NJERIUT??