Urdhri i Infermierit rrëzon pretendimet për “pompistin” në Itali: I gjithë stafi mjekësor është i pajisur me lejen e ushtrimit të profesionit

Urdhri i Infermierit ka hedhur poshtë aludimet në media se qeveria ka dërguar në Itali si pjesë të stafit mjekësor një punonjës karburanti. Bëhet fjalë për Qazim Ismailin nga Vora, që u deklarua se punonte si pompist në një pikë karburanti dhe s’kishte lidhje me mjekësinë. Kjo ka sjellë dhe reagimin e Urdhrit të Infermierit.

DEKLARATE PËR SHTYP:

Urdhri i Infermierit të Shqipërisë informon opinionin publik se 20 Infermierët të cilët në këto momente po japin kontributin e tyre në luftën kundër Covid – 19 në Spitalin e Brescias në Itali, janë të anëtarë aktivë të Urdhrit dhe të pajisur me Lejen e Ushtrimit të Profesionit të Infermierit.

Urdhri i Infermierit shpreh indinjatën e tij përkundrejtë të gjithë aludimeve që po bëhen për të zbehur kontributin e profesionistëve tonë në shtetin fqinj, Italinë.

Lejet e Ushtrimit të Profesionit të lëshuar nga UISH janë plotësisht të njohura nga organet homologe në Itali.