Mëngjesin e sotëm kryeministri Edi Rama ka bërë me dije se duke filluar sot në mesditë nuk do të ketë më transport urban në Tiranë e Durrës.
Ai ka njoftuar gjithashtu se do të ketë një transport të dedikuar për mjekët dhe infermierët.
“Nga sot në mesditë nuk ka transport urban në Tiranë dhe Durrës. Po bëjmë gati transportin e dedikuar për mjekët dhe infermierët”, është shprehur Rama.
Kujtojmë se kjo deklaratë e kryeministrit vjen pasi në rrugët e Tiranës mëngjesin e sotëm u panë shumë autobuzë të cilët duket se nuk e kanë zbatuar urdhërin e kryetarit të Bashkisë Erion Veliajt dhe vijonin punën normalisht.
