Tmerri nuk ka fund në Itali, COVID-19 shkakton 756 viktima në 24 orët e fundit

Italia vijon ditët e tmerrit, teksa në 24 orët e fundit autoritetet përtej Adriatikut raportojnë për 756 persona që kanë humbur jetën për shkak të koronavirusit.

Numri total i viktimave tashmë shkon në 10 799 dhe mbi 130 mijë të prekur nga virusi.

Të dhënat zyrtare i bëri me dije shefi mbrojtjes civile në Itali, Angelo Borreli.

Ky i fundit tha se aktualisht janë më shumë se 3900 të prekur nga COVID-19 që po trajtohen intensivisht në spital.

Në këtë pikë ai falenderoi Gjermaninë që ka marrë disa pacientë për kurim në spitalet e saj dhe Shqipërinë që nisi 30 mjek në zonat ku virusi ka shkaktuar më shumë dëme.