“Thirri në shesh shqiptarët” Deputeti sfidon hapur Ramën: Ta shohim si do të braktisin të gjithë

Deputeti i opozitës së re parlamentare Lefter Maliqi ka bërë një deklaratë për shtyp ditën e e sotme.

Katër ditë pas protestës së mbajtur nga presidenti Ilir Meta përpara godinës së kryeministrisë, Maliqi e komentoi këtë manifestim duke e cilësuar si një dallim thelbësor midis dy besëlidhjeve, asaj për demokracinë dhe tjetrës mes bandave dhe krimit.

Gjithashtu, në fjalën e tij ai guxoi të sfidonte edhe hapur kryeministrin Rama, duke u shprehur se nëse ai fton shqiptarët në shesh, të gjithë do ta braktisin dhe do të mbeten vetëm, deputetët, kryebashkiakët, banditët dhe në fund oligarkët.

“Qindra mijëra shqiptarë dolën në shesh pa organizim, në përgjigje të thirrjes së presidentit për të mbrojtur demokracinë dhe Kushtetutën. Kjo protestë tregoi dallimin mes dy “Besëlidhjeve”. Besëlidhja e shqiptarëve, e datës 2 mars, ku uragani popullor dhe qytetarët e Tiranës thyen heshtjen dhe dolën në mbrojtje të demokracisë dhe Kushtetutës dhe një besëlidhje tjetër mes bandave e krimit.

Po ashtu, ai sfidoi publikisht Ramën, ndërsa tha se “Dallimi është i qartë. Aktori i pështirë, mashtruesi i shqiptarëve, nëse iu bën thirrje nesër qytetarëve të dalin në shesh, pa marrë pjesë administrata e shtetit, do të shohim sesi do të braktiset nga shqiptarët, do vijnë vetëm deputetët dhe kryebashkiakë, banditë dhe oligarkë”, u shpreh deputeti gjatë fjalës së tij.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern