“Thesi duhej hapur për biznesin e vogël dhe njerëzit në nevojë”/ Berisha komenton planin ekonomik të qeverisë

Ish-kryeministri Sali Berisha, i ftuar mbrëmjen e sotme në emisionin “360 Gradë” në RTV Ora ka komentuar planin ekonomik të qeverisë për krizën nga virusi vdekjeprurës. Berisha u shpreh se Rama nuk e hapi thesin aty ku duhej. Sipas ish-Kryeministrit Berisha thesi duhet të hapej për biznesin e vogël dhe njerëzit në nevojë.

“Nuk u hap thesi aty ku duhej, thesi duhet të hapej. Duhet të hapej për biznesin e vogël dhe njerëzit në nevojë. Biznesi i vogël ka të punësuar 500 mijë punëtorë. Janë të gjithë të mbyllur në mision të mbyllur. Shtetit i takon t’i bëjë që ta përballojë këtë situatë. Punonjësit e tyre, nuk mund të paguhen me pagën e para epidemisë, por që të kapërcejnë bazat”, u shpreh Berisha.