LIGJET E BIZNESIT
Ditën e djeshme, teksa kryeministri Edi Rama po fliste për planin financiar, zbuloi dhe një mënyrë, ku u shpreh se në rast të një skenari ekstrem për situatën që mund të sjellë koronavirusi në vend, do të kërkojë ndihmë te presidenti i Turqisë Rexhep Taip Erdogan.
Pikërisht kjo deklaratë e Ramës, ka ngjallur dhe reagimin e akademikut Artan Fuga.
Ai shprehet se nuk kemi pse të na mbajë turku me bukë dhe se i duhet vendosur gishti kokës, dhe të kalojë vëmendja te bujku dhe fermeri.
Profesor Fuga shton ndër të tjera se shqiptarët edhe në kohët e tyre më të këqija nuk e kanë shtrirë dorën te askush për të kërkuar bukë, dhe kjo as nuk duhet dhe as nuk mund të ndodhë në kohët që flasim.
REAGIMI I PLOTE I ARTAN FUGES
Cfarë ?
Do të na ushqejë Turqia me bukë nëse do të kemi zi buke?
Kështu tha zoti kryeministër?
Do të na mbajë me bukë turku?
Cfarë iluzioni!
Jo se turqit janë të pamirë. Janë shumë të mirë!
Por shqiptari kurrë nuk ka lyp bukë rrugëve të botës me çanak.
Eshtë koha t’u kthehemi mbjelljeve të pranverës që të shijmë e mbledhim në vjeshtë!
Urgjent!
Sepse kur është tallur me bujqësinë, mbjelljet, korrjet, shirjet, duke mbledhur shqiptarët në beton, kulla mijrakatëshe, stadiume, sheshe me pllaka, sigurisht kundërshtimi ky ka qenë!
Betoni nuk mbillet, në katin e pesëdhjeteshtatë nuk mbillet, në fushë aerodromi nuk mbillet,
Dikur budallalliku që malet t’i kthenim në fusha, tani budalliku që fushat i kthyem në zona të betonuara urbane!
Ka ardhur koha e gishtit, pra e gishtit të vendosur në kokë, në mendje!
Mos presim duke thënë : Po u përmbys bota… bukën do të na e japi ky apo ai.
