LIGJET E BIZNESIT
Kreu i grupit parlamentar të Partisë Socialiste, Taulant Balla ka njoftuar se vendet e rajonit do të mbështeten financiarisht nga bashkimi Europian për të përballuar situatën e shkaktuar nga koronavirusi. Ai ka njoftuar nëpërmjet një postimi në facebook se Bashkimi Europian nuk do ta lërë vetëm Ballkanin Perendimor, por do të akordojë fonde për përballimin e kësaj situate.
POSTIMI I PLOTË I TAULANT BALLËS:
Bashkimi Europian nuk do ta lërë vetëm Ballkanin Perëndimor në këtë situatë të vështirë.
Sapo jam informuar nga Zëvendës Presidenti Andrey Kovatchev mbi vendimin e Grupit të PPE në Parlamentin Europian që mbështet kërkesën e Komisionerit të Zgjerimit Várhelyi për “mobilizimin e mbështetjes për vendet e Ballkanit Perëndimor përmes IPA, fleksibilitet të rregullave të ndihmës shtetërore, dhe integrimin e vendeve të Ballkanit Perëndimor në Qendrën Europiane për Kontrollin dhe Parandalimin e Sëmundjeve (ECDC). Gjithashtu Grupi i PPE i kërkon Bashkimit Europian “të punojë me institucionet financiare të gjejnë mjete dhe mundësi për të financuar” vendet e Ballkanit Perëndimor.
Tre ditë më parë edhe grupi i S&D u shpreh në favor të përfshirjes së vendeve të Ballkanit Perëndimor në mekanizmat e BE për përballimin e pandemisë së Covid-19.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
