S’pyetën për rregullat/ Shkelën masat duke lëvizur me makinë, policia ndalon 50 shoferë ‘gangsterë’

Edhe pse Tirana e Durrësi tashmë janë në një ‘shtetrrethim’ si kurrë më parë, dhe nën masa të rrepta për shkak të parandalimit të koronavirusit, ka ende persona që nuk i binden rregullit që të mos qarkullojnë me makina.

Mësohet se 50 shoferë janë ndaluar, pasi janë kapur në rrugë nga policia duke lëvizur me makina personale dhe pa autorizim.

Kryesisht të ndaluarit janë në Tiranë dhe Durrës, por sipas informacioneve ka dhe në Lezhë.

Ndërkohë policia vijon aksionin për zbatimin e masave kundër përhapjes së koronavirusit, që tashmë është kthyer në një kërcënim jo vetëm për vendin tonë, por edhe për mbarë globin.