Situata e rëndë nga koronavirusi/ Reagon OSBE: Në Shqipëri lajmi i mirë është që…

Prezenca e OSBE-së, në Shqipëri përmes një deklarate ka komentuar situatën që është krijuar pas përhapjes së koronavirusit në vendin tonë.

Sipas OSBE-së, lajm i mirë është fakti që nuk ka rritje shpërthyese të të infektuarve. Gjithashtu ftohen qytetarët të zbatojnë me rigorizitet rregullat dhe masat e vendosura nga qeveria me qëllim parandalimin e përhapjes së këtij virusi.

Deklarata

Ka qenë një javë e vështirë, por lajmi i mirë është që nuk po shohim një rritje shpërthyese të infektimeve. Është shumë e rëndësishme që të respektohen masat që japin rezultat: distancimi fizik, të qëndruarit në shtëpi, larja e duarve, mbështetja emocionale e njëri-tjetrit.

Falënderim i pamasë për ju, punonjësit e vijës së parë, që po ndihmoni në mbrojtjen e të gjithë shqiptarëve: punonjës të shëndetit, punonjës të policisë, punonjës të bizneseve jetike, punonjës të shpërndarjes, ofrues të shërbimeve thelbësore, por veçanërisht mirënjohës për punonjësit e shëndetësisë! Respekti ynë më i madh për ju.

#COVID19 #QëndroniNëShtëpi