“Shtet o shtet, të hëngsha b*thën” Biznesmeni nuk duron më, revoltohet ndaj masave të Ramës

Pas planit të masave financiare që kryeministri Edi Rama prezantoi ditën e djeshme në kuadër të situatës së krijuar nga koronavirusi, ka ardhur dhe reagimi i biznesmenit të ri Arbër Çepani.

Rama dje tha se do të paguajë një më një pagat e punonjësve të sektorit privat, dhe mesa duket ky fakt e ka revoltuar Çepanin, i cili shpreh shqetësimin se kjo gjë do të rëndojë më shumë në xhepat e sipërmarrësve.

“Pra Shteti do paguajë pagat e punonjësve në sektorin privat, duke marrë një kredi për mua nga bankat, që ta paguaj unë si sipërmarrës nëse mbetem gjallë… Dmth jo vetëm që na këputi Virusi, jo vetëm që arkëtojmë 0 lekë, jo vetëm që s’kemi ndihmën e shtetit, jo vetëm që nuk kemi lehtësira me kreditë por do na duhet t’i shtojmë edhe një kredi tjetër vetes, për një periudhë që kemi patur aktivitetin e mbyllur, që duhet ta shlyejmë kur me kismet të rinisim punët nga rrënojat! Shtet o shtet ta ognsha bithën…

Kur të ngordhi Gomari do ta kuptosh që mesa duket nuk mbijetoka dot vetëm me frymën e shenjtë qyqari”, shkruan Çepani, pronar i 3 bar-kafeve.