Duke filluar nga mesdita, Shqipëria vendoset në “shtetrrethim”. Në fuqi hyn urdhri i Ministrisë së Shëndetësisë për kufizimin e lëvizjes së qytetarëve. Një ditë më parë, kryeministri Edi Rama bëri të ditur se ditën e sotme, lëvizja do të lejohej nga ora 5 e mëngjesit deri më 13.00 dhe më pas, do të ndalohet plotësisht deri në orën 5 të mëngjesit të ditës së hënë. Urdhri ndalon jo vetëm lëvizjen e qytetarëve, por edhe të mjeteve.
Të vetmit që do të jenë në rrugë jashtë këtyre fashave të orarit, do jenë ushtria, policia, njësitë kritike të shërbimit shtetëror, si dhe mediat.
