Në kuadër të masave për parandalimin e përhapjes së koronavirusit, kryeministri Edi Rama njoftoi dje se duke filluar nga dita e martë i gjithë vendi ynë do të futet në karantinë.
Kjo situatë vjen për shkak të numrit të të infektuarve që deri më tani është 42.
Nga ana tjetër ekspertët dhe specialistët e shëndetësisë bëjnë gjithnjë thirrje për një higjienë të pastër, shmangien e kontakteve me njerëzit dhe evitimin e grumbullimit të njerëzve.
Por mesa duket avokat Spartak Ngjela ka një këndvështrim ndryshe për këtë situatë.
Ai shprehet se shqiptarëve nuk i ndodh asgjë nga epidemitë, pasi dielli i Adriatikut i ka mbrojtur paq në histori Ilirët, Arbërit dhe Shqiptarët.
“Asgjë nuk na ndodh ne shqiptarëve nga epidemitë, po presim diellin për 20 ditë: dielli i Adriatikut i ka mbrojtur paq në histori Ilirët, Arbërit dhe Shqiptarët… Priteni diellin me këngë, vals dhe rok nëpër shtëpitë tuaja!”, shkruan avokati krahas fotos.