Në kohën që e gjithë Shqipëria ka hyrë në izolim për shkak të masave të rrepta të qeverisë kundër përhapjes së koronavirusit, Autoriteti i Mediave Audiovizive ka dalë me një njoftim të rëndësishëm.
Mësohet se ky institucion ka vendosur të shtyjë deri më 30 qershor digjitalizimin e kanaleve për qarqet Elbasan, Shkodër, Lezhë dhe Vlorë.
NJOFTIMI ZYRTAR I AMA
Shtyhet deri më 30 qershor digjitalizimi në qarqet Elbasan, Shkodër, Lezhë dhe Vlorë
Autoriteti i Mediave Audiovzive në mbledhjen e datës 26 mars 2020, përmes komunikimit virtual të anëtarëve, vendosi shtyrjen me 3 muaj të afatit të mbylljes së transmetimeve analoge në qarqet Elbasan, Shkodër, Lezhë dhe Vlorë.
30 qershori 2020 është afati i ri i vendosur nga Autoriteti me vendimin nr. 23 të bordit dhe vjen si pasojë e situatës që është krijuar në gjithë vendin tonë nga nga epidemia e virusit COVID-19.
AUTORITETI I MEDIAVE AUDIOVIZIVE