Edhe shteti grek është në gjendje alarmante për shkak se numri i të prekurve nga koronavirusi tashmë ka shkuar në 7.
Një vajzë e moshës 38-vjeçare është infektuar në Selanik, bashkë me fëmijën e saj dhe dy gra të tjera.
Ndërkohë ditën e djeshme Ministria e Shëndetësisë greke ka konfirmuar edhe 3 raste të tjera të koronavirusit.
E njëjta situatë është dhe në Itali, ku numri i viktimave është 29 dhe ai i të prekurve mbi 1000.
Për fat të keq virusi i rrezikshëm që nisi në Kinë fillimisht në fund të muajit dhjetor, është përhapur në të gjitha kontinentet.
Gjithsej janë prekur 64 shtete, duke shkaktuar 2980 viktima dhe duke infektuar 86.985 të tjerë.
Viktimat më shumë janë shënuar në Kinë, por situatë alarmante paraqitet dhe në Itali, Kore e Jugut dhe Iran.
Mbrëmjen e kaluar është shkaktuar viktima e parë dhe në Shtetet e Bashkuara të Amerikës.
