LIGJET E BIZNESIT
Mjeku infeksionist Pëllumb Pipero në një lidhje me Skype me News 24 bën një parashikim të frikshëm.
Rastet e të prekurve nga COVID-19 në Shqipëri janë dyfishuar në një ditë dhe në këtë situatë në të cilën ndodhemi duhet të ndërgjegjësohemi e të mbyllemi në shtëpi, sepse sa më shumë të mos zbatojmë masat aq më shumë shtohen të prekurit.
Më tej mjeku vijon të thotë se java që vjen do jetë vendimtare dhe nëse nuk zbatohen masat e qeverisë i shkojmë nga pas skenarit italian.
“Pas cdo rasti të konfirmuar fshihen 10 apo 15 raste të tjera. Në këtë situatë pandemie dhe shtimit të rasteve të prekura iu kërkojmë qytetarëve të jenë mirëkuptues dhe të ndjekin udhëzimet e qeverisë. Ne mjekët shohim vetëm majën e ajsbergut, ndërkohë që ISHP ndjek rastet e kontaktit, ne mjekojmë rastet që na vijnë. Java që nis është decizive për të parë edhe numrat edhe për të parë efektshmërinë e masave të marra. E përsëris, nga ky virus askush nuk është i paprekshëm, pavarësisht se dikush ka apo nuk ka komplikacione. Numri i rasteve është dyfishuar në një ditë, pra sa më shumë të mos zbatojmë masat aq më shumë shtohen të prekurit. Minimalisht të qëndrojnë në shtëpi është shumë pak për të fituar shumë jetë njerëzish. Nesër do të jetë shumë vonë. Nëse i afrohemi një hap më shumë skenarit italian, por nëse qytetarët nuk na dëgjojnë, nuk kam c’tju them më pastaj: Zoti na ruajtë”, përfundoi mjeku.
