Rama: Taksën në rrugën e kombit kosovarët duhet ta paguajnë me krenari

Kryeministri i Shqipërisë Edi Rama thotë se qytetarët e Kosovës do të duhej të paguanin me krenari 5 euro për një drejtim në kalim për në Shqipëri.

“Taksën ju duhet ta paguani me krenari”, thotë Rama, gjatë intervistës në emisionin ‘Pressing’ në T7.

I pyetur nga gazetari Bera Buzhala i cili mendon se  taksa “është një plaçkë që i bëhet Kosovës” ai e mohon se taksa për Kosovën është plaçkë.

“Jo nuk është ashtu”, shprehet Rama.

Pjesë nga intervista:

Gazetari: Pse më së pari keni vënë taksën me Kosovën?

Rama: Ju vu një rruge që trashëguam një situatë katastrofike, u inaugurua për propagandë,dhe u bënë aksidente pafund, humbën dhe jetë njerëzish. Vumë gjithë ato para për të bërë investime. Shumë e rëndë kjo që bëni ju të gjithë në Kosovë, ata që vijnë nga Kosova, 5 euro janë kontribut dhe s’ka gjë më patriotike sesa të paguash detyrimet e tua. Hashimi, Ramushi, Albini, dhe të gjithë bëjnë propagandë. Kjo është ekonomi, infrastrukturë dhe shërbim për qytetarët.

Gazetari: A jua ka kërkuar Kurti ta hiqni taksën?

Rama: Kemi diskutuar në mënyrë njerëzore dhe të hapur dhe i kam thënë që nuk hiqet për një arsye. Po u hoq taksa ne do të humbasim rrugën.