LIGJET E BIZNESIT
Së fundmi qeveria ka prezantuar një sfidë të re, ku brenda 30 ditëve por dhe më përpara, të ndërtohet struktura e re që do të përshtatet si spital-karantinë për personat e infektuar me COVID19.
Ndërkohë ditën e sotme ministrja e Shëndetësisë së bashku me kryeministrin Edi Rama kanë vizituar ambientet e spitalit të ru ku do të dërgohen të prekurit me koronavirus.
Bëhet fjalë për godinën e ish-universitetit privat “Kristal”.
“Një spital i ri lufte, për të garantuar mbrojtjen e të sëmurëve në kushtet e çdo rritjeje të papritur të forcës së zjarrit armik”, shprehet Rama.
PJESE NGA BISEDA ME MANASTIRLIUN
“Kjo do shërbejë si një spital karantinë me asistencën baze mjekësore,
organizim i ri që ka shërbyer si strukturë rezidenciale tani. Do ketë 80-100 shtretër të parë, kati i parë do shërbejë për veshje e zhveshje të personelit, reanimacion për shërbimet bazë, do ketë edhe një njësi që do shërbejë si
reanimacion të vogël”.
Rama: Mbase nuk vjen nevoja por ne duhet të jemi të përgatitur për cdo lloj zjarri.
Manastirliu: Çdo kat do ketë strukturë infermierike, farmaci, imazheri bazë, radiografi të lëvizshme, për personat që nuk kërkojnë shërbimin e një spitali tipik, por që janë në fazën e shërimit. Kampus tipik që mund të përshtatet edhe në planin afatgjatë”
Rama: Për sa kohë?
Manastirliu: Sot ju kryeministër merrni vendimin për ta marrë në dispozicion e për të nisur procedurat ligjore, brenda 20 ditëve do nisim punën. Kemi mundësi me kapacitetet tona të përballojmë një muaj sipas projeksionit që kemi bërë, kjo është për skenarin e katërt.
Rama: Sfida është për 30 ditë ta bëjmë spitalin. Procedurën mund ta bëjmë edhe më shpejt se jemi në luftë, por sfidën e kemi për 30 ditë, nëse e bëjmë spital për 30 ditë e kemi mundësi të fillojmë lehtësimin, s’kemi pse mbajmë në spitalin e vijës së parë atje njerëz që janë në kushte të mira shëndetësore, e dimë që s’jemi përpara një ububuje por s’duhet ta lejojmë të na ndodhin katastrofat që u kanë ndodhur të tjerëve”.
