Qytetarët nuk zbatojnë masat mbrojtëse/ Pamjet skandaloze nga Vlora

Qytetarët shqiptarë duket se nuk i kanë marrë seriozisht thirrjet e krerëve të shtetit për të qëndruar në shtëpi.

Në rrjetet sociale qarkullojnë foto të qytetarëve të cilët nuk respektojnë as rregullat minimale të masave mbrojtëse.

Fotot e mëposhtme tregojnë një pazar në qytetin e Vlorës të cilët lëvizin pa mbajtur distancën e nevojshme të rekomanduar nga mjekët.

Kryeministri lajmëroi më herët se ditën e sotme do të lejohet lëvizja deri në orën 13:00, ndërkohë që pas këtij orari nuk do të lejohet qarkullimi deri ditën e hënë.

Masat mbrojtëse të rekomanduara nga mjekët janë të domosdoshme për të parandaluar përhapjen e koronavirusit, por mesa duket qytetarët akoma nuk janë ndërgjegjësuar për seriozitetin e situatës.