Koronavirusi është kërcënimi më i madh që së fundmi po rrezikon njerëzimin, dhe ka bërë që shumë shtete të marrin masa drastike për të parandaluar përhapjen.
Por një pyetje është duke munduar të gjithë njerëzit : A mund ta merrni koronavirusin nga marrëdhëniet seksuale?
Sipas tabloidit britanik “express.co.uk” dhe Qendrës për Kontrollin dhe Parandalimin e Sëmundjeve (CDC) shprehet se koronavirusi përhapet kryesisht nga personi në person, sidomos kur njerëzit janë shumë pranë njëri-tjetrit, rreth 1.89 metra.
Gjithashtu mund të merret dhe nga arsyeja sepse një person i infektuar mund të kollitet ose teshtijë.
Më pas virusi hyn në gojë dhe hundë dhe thithet nga mushkëria.
Të infektuarit janë më ngjitës kur kanë më shumë simptoma.
Por si i bëhet kur vjen puna te seksi?
Ne e dimë se virusi është i pranishëm në pikat e frymëmarrjes dhe për shkak të kësaj, vende si Franca kanë dekurajuar njerëzit që të puthen në faqe.
Të puthësh partnerin, natyrisht, është më intime sesa puthja në faqe. Supozimi natyror është që, pra, një person i infektuar me koronavirus ka të ngjarë t’iu infektojë me COVID-19 dhe ju në rastet e kontakteve të tilla të afërta. Kristin Englund, i departamentit të sëmundjeve infektive në Klinikën Cleveland, tha: “Në këtë pikë, ne nuk i dimë këto detaje specifike.”
Megjithatë ekspertët janë të ndarë. Lidhur me temën kanë raportuar dhe mediat italiane, një nga vendet më të prekura me koronavirus. Sipas disa ekspertëve, rreziku është i lartë në rastet e një kontakti të afërt me fytyrë. Megjithatë bien dakort se deri tani nuk ka prova që koronavirusi përhapet me anë të lëngjeve të trupit. Të tjerë e këshillojnë raportin intim duke argumentuar se rrit imunitetin, por me partnerin tuaj në shtëpi dhe në asnjë rast me partnerë të rastësishëm.
