LIGJET E BIZNESIT
Ministri i Shtetit për Rindërtimin, Arben Ahmetaj në një lidhje direkte nga Kryeministria sqaroi live në emisionin “Real Story” se si do të duhet të aplikojnë të punësuarit e biznesit të vogël apo të vetëpunësuarit për të përfituar “pagën e luftës”.
“Kemi nxjerrë një vendim qeverie që detajon mënyrën si do verifikohen dhe paguhen nesër on line të punësuarit apo të vetëpunësuarit e biznesit të vogë. Formulari do jetë që nesër i gatshëm për tu plotësuar nga qytetari pranë DPT. Nga DPT mblidhen dhe verifikohen të dhënat. Menjëherë aprovohet në bazë të formularit dhe i paguhet individit në bordero nëpërmjet sistemit banker, kush nuk ka llogari bankare di t’i hapet një llogari”,- sqaroi ai, duke shtuar se përfitues do të jenë 60 mijë e 442 persona.
Si do të veprohet me personat që punojnë në të zezë apo njerëzit e papunë të bllokuar në shtëpi si pasojë e virusit vdekjeprurës?
Ministri Ahmetaj deklaroi se ata do të trajtohen me ushqime dhe për këtë ka nisur tashmë një operacion humanitar.
“Kjo është pjesë e operacionit humanitar, po ju them se cfarë ndihmash ju japim ne këtyre familjeve, cfarë lloj ndihme ju jep shteti. Janë 77 mijë e 877 familje me ndihmë ushqimore, 21 mijë e 625 me ndihmë mjekësore si dhe ndarja e pensioneve. Ju duhet të dini që informaliteti është skllavëri. Ndaj iu referova operacionit humanitar ku familjet marrin pako të herëpasëhershme. Rezerva e shtetit ka sot 20 mln dollarë për të blerë ushqime për pako”,- njofton ai.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
