Një alarm i fortë është ngritur nga mjeku pneumolog Arjan Mezini, i cili punon në spitalin Shefqet Ndroqi.
I ftuar në programin “Opinion” Mezini ka bërë thirrje për të gjithë qytetarët që të respektojnë masat e marra për koronavirusin, ndryshe do ketë pasoja më të rënda se në Itali.
“Patjetër është shumë i rrezikshëm e nuk duhet të jemi mendjelehtë e të bëjmë të njëjtin gabim që bëri Italia. Nuk duhet të jemi kaq mendjelehtë se mendjelehtësia merr jetë njerëzish. Unë do them skenarin më të frikshëm, shpresoj mos ndodh. Skenari i Italisë se rastisi në një vend të pazhvilluar, por po kolapsin. Dhe nga kolapsimi nuk po vjen nga se nuk po iu ofrohet shërbimi mjekësor, por nga siellja e papërgjegjshme, vazhduan jetën e tyre të zakonshme sikur nuk kishte epidemi”, u shpreh doktori.
Gjithashtu mjeku shtoi se kolapsi po ndodh në Itali pasi spitalet nuk kanë kapacitete për të marrë mjekimin e duhur.
“Skenari ynë, patjetër nëse do të vazhdojmë me këtë sillemi, jemi në një moment që ta kemi totalisht në dorë ta kontrollojmë, dhe kjo varte nga ne. Unë po jap shembullin persona, prindërit e mi i kam njëri 80 vjeç e tjetri 89, i kam izoluar në shtëpi. Deri më tani kemi 15 raste, por po vazhduam të sillemi kështu, ky numër do ndryshoi në mënyrë progresive kur në nuk do e kontrollojmë dot. Po u them qytetarëve, ne nuk kemi sistemin shëndetësor italian, tek ne do të ketë një kolaps edhe më të tmershëm. Dhe unë nuk dua që si mjek të arrijmë një vdekshmëri 30%”, shtoi më tej ai.
