Plagoset 35-vjeçari në Fier/ Policia jep informacione

Një ngjarje e rëndë  është regjistruar pasditen e sotme në Fier. Plagosja me armë zjarri ka ndodhur rreth orës 17:30, në lagjen “11 Janari”.

Burime zyrtare nga policia bënë me dije se pas një konflikti të çastit, është plagosur në këmbë me armë zjarri shtetasi Marjus Rrapushi, 35 vjeç, banues në Fier, i cili ndodhet jashtë rrezikut për jetën në Spitalin Rajonal Fier.

Policia ka bërë të mundur identifikimin e autorit të dyshuar dhe po punon për kapjen e tij. Grupi hetimor ndodhet në vendngjarje dhe po punon për zbardhjen e plotë të kësaj ngjarje.