Përfshihet nga flakët apartamenti në Tiranë, një person i lënduar

Një apartament në Tiranë është përfshirë nga flakët orët e para të mëngjesit të sotëm.

Ngjarja ndodhi në zonën e Freskut, ku si pasojë e zjarrit ka mbetur i lënduar një 42 vjeçar, me iniciale G.Ç, i cili është njëkohësisht dhe pronari i apartamentit.

Ai është dërguar në spital, ku ndodhet dhe jashtë rrezikut për jetën.

Zjarrëfikësit kanë bërë të mundur shuarjen e flakëve, ndërkohë që ende nuk dihet shkaku i ngjarjes.

NJOFTIMI ZYRTAR I POLICISE

Tiranë/Informacion paraprak Më datë 16.03.2020, rreth orës 06:30, në rrugën e Teleferikut , në katin e tretë të një pallati ka rënë zjarr në banesën e shtetasit G.Ç, 42 vjeç.

Në vendngjarje ndodhen forcat zjarrfikëse, ku u bë e mundur dhe fikja e zjarrit. Nga zjarri është dëmtuar lehtë pronari i banesës shtetasi G.Ç, jashtë rrezikut për jetën.

Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.