Vijojnë të dalin emra të tjerë të cilët mbështesin hapur presidentin Ilir Meta për tubimin e 2 marsit.
Një nga këta është dhe ish-deputeti i Partisë Socialiste Taulant Dedja, i cili shprehet se ndihet i zhgënjyer nga kjo forcë politike për të cilën kontribuoi, por që sipas tij tashmë nuk ekziston më.
I ndodhur prej vitesh në Kanada, Dedja shton se Rilindja ka kohë që ka vdekur, por meqënëse anëtarëve të saj nuk u pëlqejnë as traditat, as zakonet e asgjë që i përket kulturës e trashëgimisë kombëtare, ajo nuk di as të njohë kohë e as të mbajë zi.
Ndër të tjera ai shprehet se qytetarët shqiptarë janë ata që kanë në dorë fatin e vendit.
“Partia për të cilën kontribuova nuk ekziston më, kështu që çka mbetur prej saj nuk më intereson fare. Rilindja ka kohë që ka vdekur, por meqënëse anëtarëve të saj nuk u pëlqejnë as traditat, as zakonet e asgjë që i përket kulturës e trashëgimisë kombëtare ajo nuk di as të njohë e as të mbajë zi.
Prandaj na mbetet ne qytetarëve t’u tregojmë rilindasve se Rilindja ka vdekur. Le t’ua tregojmë këtë më 2 Mars në manifestimin që Presidenti i Republikës Ilir Meta ka thërritur në emër të mbrojtjes së Kushtetutës, themelit të shtetit”, shkruan ish-deputeti socialist.
