Paniku nga koronavirusi/ I moshuari del të bëjë pazar, në vend të maskës vendos bebelina

Një video në këto ditë paniku është shpërndarë në Greqi, ku një tregtar ka filmuar një të moshuar i cili kishte dalë për të bërë pazar.

I moshuari me sa duket nuk ka pasur maskë dhe ka vendosur që të improvizonte me bebelina fëmijësh, të cilën e kishte vendosur në kokë.

Në Greqi deri më tani janë shënuar 5 viktima si pasojë e COVID-19. Ndërkohë që numri i të infektuarve është rritur në 220, ndërsa priten të dalin analizat e rreth 50 personave të tjerë.

Disa ditë më parë u raportua vdekja e dy personave të moshës 90 dhe 67 vjeç.90-vjeçari ishte shtruar në Spitalin Bodosakeio dhe erdhi nga Kastoria, ndërsa dy të afërmit e tij gjithashtu janë shtruar në të njëjtin spital. 67-vjeçari banor i Kalamaki, Zakynthos, ishte shtruar dy ditët e fundit në Spitalin e Përgjithshëm të Zakynthos, por të premten pasdite shëndeti i tij u përkeqësua në mënyrë dramatike.

Viktima e parë nga koronavirusit në Greqi u shënua ditën e enjte (12 mars). Ai ishte një mësues në pension 66 vjeçar nga qyteti Ilia, i cili ishte i shtruar në spitalin e Patras.