“Pacienti zero nuk është 28-vjeçari” Berisha e tregon: Ja kush e solli koronavirusin në Shqipëri

Ish-kryeministri Sali Berisha ka komentuar situatën dhe aktualitetin në vendin tonë pas ardhjes së koronavirusit dhe masat për ndalimin e përhapjes.

Në një lidhje me skype për programin “360 gradë”, ai ka folur edhe mbi rastet që tani kanë shkuar në 65 persona të prekur.

Ish-kryeministri denoncoi se dy muaj përpara se virusi të shpërthente në vend nuk u bë asnjë përgatitje jo vetëm për popullatën por as për personelin mjekësor dhe për këtë ka vetëm një fajtor sipas tij Edi Rama.

Berisha ka thënë se rasti që të gjithë e njohim si rastin zero pra 28-vjecarin që erdhi nga Firence dhe infektoi të atin, nuk është ai që ka sjellë koronavirusin këtu.

Sipas tij, pacienti zero është ai që njoftoi ministri turk më 2 mars.

“Ka një dramacitet në çdo gjë në shpirtin e tij (Ramës).

Sa i përket rastit zero duhet të falenderojmë Ministrin e  Shëndetësisë të Republikës së Turqisë që na njoftoi se rasti zero kishte fluturuar nga Tirana nëpër Stamboll me 2 mars dhe ishte shtruar me koronavirus në SHBA.Për të mos thënë se kishte një vdekje jashtëzakonisht të dyshimtë në Korçë etj. A është kjo paaftësi apo papërgjegjshmëri nuk mund ta them. Por u humbën më shumë se 2 muaj kohë pa marrë asnjë masë të vetme. E papranueshme.

Nuk u bë përgatitja më minimale jo për popullatën por të paktën për personelin shëndetësor. Të garantoheshin maskat dhe kostumet që duheshin për ata që janë në vijën e parë të luftës kundër kësaj. Mungesë e plotë përgjegjësie. Nëse shefi i ekzekutivit rri 2 muaj duarkryq kur kjo epidemi tronditi botën më shumë se çdo epidemi tjetër pas gripit spanjoll do të thotë se është i paaftë.

E them që mos të qëndrojmë prapë në bisht të kohës se qëndrimi në bisht të kohës ka gjithmonë pasoja më të rënda”, deklaroi Berisha.