LIGJET E BIZNESIT
Në mbledhjen e Shtabit të Emergjencave të Bashkisë së Tiranës, për përballimin dhe ndalimin e përhapjes së Coronavirusit në kryeqytetnë fjalën e tij kreu i Bashkisë së Tiranë, Erion Veliaj tha se do ketë penalizime dhe gjoba për të gjithë pronarët e markeve që rrisin çmimet e produketeve të tyrë gjatë këtyre ditëve të vështira.
“Do jemi të pamëshirshëm me gjoba dhe procedim penal për këdo pronar biznesesh, supermakete dyqane ushqimore që abuzojnë me çmimet. Nuk do tolerojmë më një qytet hienash, rrëzohemi bashkë, por bashkë do ngrihemi“, tha Veliaj.
Deklarata e kryebashkiakut pas konfirmimit të dy rasteve shënuan të para me koronavirus në Shqipëri. Ministria e Shëndetësisë në një njoftim zyrtar pas mesnate, konfirmoi dy rastet e para me koronavirusin e ri COVID-19 në vendin tonë.
Bëhet fjalë për një 28-vjeçar me inicialet P.K.. Ai ka ardhur nga Firence në Shqipëri me makinë në rrugë tokësore dhe pas kontaktit ka infektuar edhe babanë, V.K.. 28-vjeçari ka hyrë në Shqipëri më 26 shkurt, e ndërsa është zbuluar që është prekur nga ky virus mbrëmjen e djeshme, pas analizave të bëra. Ndërkohë qeveria ka prezantuar masat e marra ditën e sotme duke përmendur këtu pezullimin e konvikteve, shërbimin funeral dhe celebrimet, transporti publik etj.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
