LIGJET E BIZNESIT
Rusia ka gjetur një metodë mjaft të mirë për të ndëshkuar personat që shkelin karantinën.
Ky shtet ka vendosur që të vërë në përdorim teknologjinë, dhe po e shfrytëzon më së miri me rastin e situatës së krijuar nga koronavirusi.
Bëhet fjalë për një sistem me 170 mijë kamera që bëjnë të mundur njohjen e fytyrës së individit, ku më pas identifikohet për tu ndeshkuar.
Sapo kamera fokuson fytyrën e individit, ai identifikohet menjëherë, lëshohet sinjal te autoritetet përkatëse dhe i vendoset gjoba.
Nga ana tjetër personat që mbrojnë fjalën e lirë dhe intimitetit në Rusi kanë dalë kundër këtij sistemi kamerash, duke ngritur dhe padi për mbikëqyrje të paligjshme.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Javën e kaluar, policia e Moskës pretendoi se kishte kapur dhe gjobitur 200 persona që shkelën karantinën dhe izolimin e vet duke përdorur njohjen e fytyrës nga një sistem prej 170,000 kamerash
Mediat ruse bëjnë me dije se disa prej individëve të dyshuar që shkelën karantinën dhe që u gjobitën kishin qenë jashtë për më pak se gjysmë minutë, para se të kapeshin nga një aparat fotografik.
“Ne duam që të ketë edhe më shumë kamera në mënyrë që të mos ketë ndonjë qoshe të errët apo rrugë anësore,” tha Oleg Baranov, shefi i policisë në Moskë.
Ai theksoi se 9000 kamera të tjera po instalohen për të krijuar një shërbim sa më maksimal.
