Një person nga stafi i zv.Presidentit të SHBA-së i infektuar me Covid-19

Një nga anëtarët e stafit të zv.Presidentit amerikan, Mike Pence rezultoi pozitiv me koronavirus. Lajmi bëhet i ditur nëpërmjet një deklarate të lëshuar nga zyra e numrit dy të Shtëpisë së Bardhë.

“Këtë mbrëmje na njoftuan që një anëtar i Zyrës së Zëvendës Presidentit doli pozitiv për koronavirusin,” theksohet në deklaratë. Më tej, në qëndrimin zyrtar qartësohet se as Presidenti Donald Trump dhe as Mike Pence nuk kanë pasur kontakte të ngushta me personin në fjalë.
Mike Pence është emëruar nga presidenti Trump për të kryesuar Task Forcën në luftën kundër përhapjes së pandemisë në Shtetet e Bashkuara së Amerikës. Sipas të dhënave, deri më tani në Shtetet e Bashkuara të Amerikës janë mbi 19 mijë të prekur nga koronavirusi.