Jo gjithmonë djemtë e etiketuar si “bad boy” janë rebelë dhe nuk kërkojnë falje kur bëjnë gabime.
Këtë shembull e ka treguar fare mirë së fundmi edhe reperi Arkimed Lushaj, i njohur ndryshe si Stresi.
Ai ishte i ftuar mbrëmjen e djeshme në programin “Klanifornia”, ku ka habitur të gjithë publikun me deklaratën e tij drejtuar bashkëshortes Kejsi.
Dyshja figurojnë ende të martuar, mirëpo nuk jetojnë bashkë për shkak të disa mosmarrëveshjeve të vogla midis tyre.
Stresi është shprehur i penduar dhe ka pranuar që ka gabuar, madje i ka kërkuar falje publike Kejsit.
“Kjo nuk është e lehtë fare për mua. I kërkoj falje! Në Shqipëri është shumë vështirë të mbash një lidhje, nuk është për faj të femrave, por ne meshkujt jemi legena. I them më fal!”, u shpreh Stresi.
Ende nuk ka një reagim nga Kejsi dhe nuk dihet si do ta marrë ajo këtë ndjesë të Stresit.
Ajo jeton prej vitesh së bashku me familjen në Kanada dhe dyshohet se largësia ka qenë një nga arsyet që ka sjellë mosmarrëveshje mes tyre.
Mirëpo duhet thënë se Stresi e meriton një shans të dytë pas kësaj shprehjeje, sepse jo çdo kush arrin ta bëjë apo jo?!
