LIGJET E BIZNESIT
Kryeministri Edi Rama ka dalë sërish në një komunikim live në rrjetet sociale dhe u është përgjigjur të gjithë kritikëve që i thonë të dalë nga shtëpia.
Ai shprehet se në shtëpi mbyllet në fundjavë dhe nuk i përket grupit të njerëzve që sipas tij thonë ‘bëj si them unë, mos bëj si bëj unë”.
Ndër të tjera Rama paralajmëron, ashtu siç bëri dhe mëngjesin e sotëm se do të kemi humbje të tjera njerëzish, por ka bërë thirrje që askush mos luajë me zjarrin duke shkelur masat, në mënyrë që numri i vdekjeve të mos rritet në mënyrë alarmante.
Miq, po iu flas nga dhoma e mbledhjeve ku kam bërë të gjitha komunikimet me ju javën e shkuar sepse këtu kemi instaluar kamerat. Këtu punoj gjatë javës. Po e bëj me telefon këtë mesazh që ta qepin gojën ata që më thonë dil nga shtëpia, mos rri në bunker. Kur i thonë asaj fjalës mirë gomari që na ngordhi por duhet të merremi dhe me mizat. Unë në shtëpi mbyllem në fundjavë si gjithë të tjerat sepse nuk i përkas rracës së keqe së atyre që thoni bëni si them unë por mos bëni si bëj unë.
Dhe kush e ka harruar kohën e tërmetit kur as xhupin nuk e ndërroja se mbeta rrugëve ditë-natë, le ta kujtojë dhe t’i lëri dënglat. Në një luftë si kjo trimëria ime është të jap shembullim. Detyra ime të jap shembull, dhe jo të dukem se nuk më ka munguar dukja që kur isha 10 vjeç dhe isha më i gjati i klasës. Kjo javë do të jetë e vështirë e këmi thënë sepse tani hyjmë në fazën e shpërthimit më intensive. Siç e patë humbi jetën edhe një 42-vjeçar, i cili nuk vuante nga ndonjë sëmundje kronike. Ngushëllime familjes së tij dhe të të tjerëve. Dihet e kemi përsëritur kjo mortje sulmon më të dobëtit fizikisht por as të rinjtë nuk janë të paprekshëm.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ju lutem, mos luani me zjarrin. Nuk e ndal dot vdekjen, por duhet ta ndajmë kërdinë që mund të bëjë për shkak të pakujdesisë, kokëfortësisë etj.. Do humbasim njerëz, nuk e di sesa. Askush nuk e di askund. Nuk duhet të humbasim një mal me njerëz. E kemi në dorë vetë. Mos rrini në grumbull, por në distancë pse është kaq e vështirë kjo? Morëm masat në kohë dhe është turp të humbasim mustaqet e Çelos.” deklaroi kryeministri.
