Mjeku reanimator në QSUT Krenar Lilaj, i ftuar në emisionin “Opinion” ka treguar ka vijuar thirrjen drejtuar të gjithë qytetarëve për të treguar shumë kujdes në këtë situatë pandemie duke theksuar edhe njëherë më shumë se e vetmja zgjidhje për të parandaluar përhapjen është vetëizolimi në shtëpi.
I pyetur nga gazetari i njohur Blendi Fevziu, se a ka mundësi sistemi jonë shëndetësor t’ia dalë në këtë stuatë, ai sqaron: Asnjë sistem shëndetësor nuk ia del dot një furie kaq të madhe. Ajo masë që duhet marrë është këputja e zinxhirit të transmetimit të sëmundjes.
Blendi Fevziu: Nuk ka asnjë mënyrë tjetër që mund ta përballojë? Jeni i sigurt doktor?
Mjeku: Po kush sistem shëndetësor mund t’ia dali dot një furie njerëzish që të mësyjë spitalet dhe aq më tepër të gjitha qendrat e terapisë intensive?!