Mjekët shqiptarë në Itali nuk nisin dot punën/ Menaxheri i spitalit në Brescia: Do i testojmë fillimisht

30 mjekë shqiptarë kanë mbërritur në Itali për të i’u ardhur në ndihmë në luftën kundër koronavirusit, si një nga vendet më të prekura nga pandemia. Megjithatë mësohet se ndihma e tyre nuk do të vihet menjëherë në zbatim, pasi ata duhet të kalojnë një test për t’u caktuar që të bëjnë punën që munden.

Menaxheri i përgjithshëm i Spitalit Civil të Brescias, Gianmarco Trivelli deklaroi se mjekët shqiptarë do t’i nënshtrohen një testimi pasi kanë ardhur në Itali pa dokumente që provojnë aftësitë e tyre për t’u ardhur në ndihmë pacientëve të prekur.

“Ne jemi mirënjohës për ardhjen e mjekëve dhe infermierëve nga Shqipëria, por për fat të keq ka një problem themelor: prania e personelit të specializuar për kujdes intensive. Ata u prezantuan pa një dokument që vërteton aftësitë e tyre, ndaj dhe do të bëjnë një provim brenda ditës për të kuptuar se ku duhet që t’i vendosim që të punojnë,” shpjegon Trivelli.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern