LIGJET E BIZNESIT
Dhjetë ditë pas rastit të parë të shënuar me koronavirus në Shqipëri, qeveria është vënë në kërkim të pajisjeve respiratore për pacientët e prekur.
Kështu, Ministria e Shëndetësisë ka hapur tenderin për blerjen e respiratorëve, pajisje jetike te personat e prekur nga COVID19 dhe që kanë probleme me frymëmarrjen.
Tenderi “Furnizim, vendosje respiratorë me dy modalitete për adultë dhe moshë pediatrike për COVID-19” është publikuar dje nga MSH.
Afati kohor për tu dorëzuar është rekord, pra sot deri në orën 17.00.
Fondi limit për blerjen e respiratorëve është 129.727.371 lekë pa TVSH. Me 60 pikë maksimale do të vlerësohet lëvrimi i shpejtë i respiratorëve, ndërsa çmimi pra oferta do të vlerësohet me 40 pikë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Operatori ekonomik që ka marrë më shumë pikë gjatë mbledhjes do të ftohet për negociata dhe lidhjen e kontratës.
MSH kërkon që të gjithë dokumentet të jenë origjinalë pse kopje të noterizuara të tyre. Rastet e mosdorëzimit të një dokumenti, ose të dokumenteve të rreme të të pasakta, konsiderohen si kushte për skualifikim.
