Presidenti Ilir Meta e ka nisur mëngjesin e sotëm me një mesazh të fortë.
Një ditë para tubimit më 2 mars, ku kërkuar që të gjithë qytetarët të dalin përpara godinës së kryeministrisë, Kreu i Shtetit poston dhe një video, në kohën kur një nga ish-drejtuesit kryesorë të Lëvizjes Studentore Arben Imami e ka thërritur së bashku me disa student që të bënin përballjen e fundit me kupolën e diktaturës.
Ai shprehet se kurrë nuk e mendonte se pas 30 vitesh do të vinte kjo ditë që të ftonte të gjithë qytetarët për të mbrojtur fitoren më të madhe sipas tij të popullit tonë.
REAGIMI I PLOTE I PRESIDENTIT ILIR META
Kurrë nuk e mendoja se pas 30 viteve do të vinte kjo ditë, që të ftoja më ✌mars të gjithë qytetarët e Shqipërisë, për të mbrojtur fitoren më të madhe të popullit tonë, pluralizmin politik, lirinë dhe demokracinë.
Vetëm paprekshmëria e Kushtetutës dhe ndëshkimi i merituar i puçistëve që e kanë dhunuar atë, do ta mbrojë popullin tonë nga instalimi i një regjimi tiranik njëpartiak dhe kleptokratik.
Po ndaj me ju disa emocione të miat kur një nga ish-drejtuesit kryesorë të Lëvizjes Studentore, Arben Imami më thërriste mua dhe disa studentë të rinj për të shkuar në përballjen finale me kupolën e diktaturës, që u detyrua të pranonte kapitullimin e regjimit më të pashembullt shtypës dhe izolues në kontinent.
Le ta dëgjojë nesër e gjithë bota demokratike thirrjen e popullit shqiptar: E DUAM SHQIPËRINË SI GJITHË EUROPA! ??
