LIGJET E BIZNESIT
Italia është një nga shtetet më të goditura të botës nga pandemia e koronavirusit.
Ky fakt ka shtuar debatet midis mjekëve dhe drejtuesve të shtetit.
Ndërkohë kryeministri italian Giuseppe Conte i është përgjigjur letrës së një infermiereje që punon në spitalin Senigallia.
Michela Venturi, i shkruante kryeministrit Conte se nga lodhja por dhe frika se mund të merrte infeksionin nuk shkonte as në tualet, duke cituar se urina mund ti shpëtonte dhe në mbathje.
Shpërblimin e Contes prej 100 euro ajo e cilësonte si qesharak dhe u përgjigj se nuk e donte fare atë shumë parash krahasuar me mundin dhe lodhjen.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Puna ime vlen më shumë se 100 euro. E dini Zoti kryeministër Conte, unë gjatë turneve të mia nuk shkoj në tualet sepse kam frikë që me një gjest të gabuar të shkaktuar nga lodhja e punës e mungesa e ujit dhe ushqimit, unë mund të infektohem e të infektoj edhe të tjerë. Dhe ndonjëherë më shpëton ndonjë pikë urine në mbathje por gjithsesi qëndroj në këmbë të bëj punen time dhe nuk dorëzohem. E dini Zoti kryeministër Conte, gjatë turneve të mia mbaj dhe përdor veshjen DPI sepse pavarësisht së të lëndon, kam frikë që vetëm duke spostuar syzet apo maskën ose duke hequr palen e parë të dorezave shkakton dhimbje të padurueshme në fytyrë dhe në duar, unë mund të infektohem dhe të infektoj njerëz të tjerë të këtij shteti. Dhe atëherë ndodh që më kapin momente dëshpërimi dhe më mbushen sytë me lot.” , shkruante infermierja ndër të tjera.
Ndërkohë Conte i ka kthyer përgjigje, duke u shprehur në emër të qeverisë se secili anëtar i parlamentit do ta gjejë veten në këtë premtim dhe se nuk do të harrohen këto ditë kaq të rrezikshme dhe stresuese.
“Michela, e them këtë në emër të qeverisë, por jam i sigurt që të gjithë anëtarët e Parlamentit do ta gjejnë veten në këtë premtim, ne nuk do t’ju harrojmë, këto ditë kaq të rrezikshme dhe aq stresuese.”- citonte Conte.
