Mbrojtja e fruta-perimeve/ AKU nxjerr urdhërin strikt: Ja rregullat e reja për shitësit dhe blerësit

Autoriteti Kombëtar i Ushqimit ka nxjerrë një urdhër të ri për të gjithë tregjet e fruta-perimeve.

Duke filluar që nga dita e nesërme, shitësit dhe blerësit duhet të kenë doreza dhe të mos prekin direkt me duar produktet në shitje.

Gjithashtu tezgat do të mbulohen me qese për të evituar kontaminimin nga spërklat e pështmyës.

Njoftimi i AKU-së:

Beteja për të ndalur dhe mposhtur përhapjen e mëtejshme të COVID-19, nuk do të ndalet deri në fitoren finale të saj.
Autoriteti Kombëtar i Ushqimit kërkon në mënyrë rigoroze zbatimin dhe forcimin e masave për ndalimin e përhapjes së Koronavirusit.
Së fundmi AKU i’u bën thirrje të gjithë subjekteve që tregtojnë fruta-perime të ndërmarrin në mënyrë të menjëhershme këto masa:
Të gjitha produktet fruta-perime duhet të jenë të mbuluara me qese plasmasi të tejdukshme në mënyrë që të shmanget kontakti me spërklat e mundshme gjatë të folurës apo tështitjes së personave,
Të gjithë shitësit por edhe konsumatorët të shmangin prekjen e drejtpërdrejtë me dorë të produktit. Zgjedhja dhe blerja e tyre do të bëhet vetëm nëpërmjet dorashkave njëpërdorimshe ose qeseve që shërbejnë për mbajtjen e produktit.
Theksojmë se këto masa vijnë si rrjedhojë dhe nevojë e forcimit të mëtejshëm të masave të mëparshme të ndërmarra nga AKU, me qëllimin e vetëm mbrojtjen e shëndetit dhe jetës së të gjithë konsumatorëve. #SëBashkuJaDalim
Frikë Aspak, Kujdes Po