LIGJET E BIZNESIT
Kryetari i Bindjes Demokratike Astrit Patozi ka lëshuar një deklaratë të fortë sot në drejtim të qeverisë ku bën thirrje që të rishikohet kufizimi i lëvizjes së qytetarëve, pasi kjo gjë shton sipas tij rrezikun e infektimit nga koronavirusi.
“Sepse në kohën e lejuar i bën njerëzit të grumbullohen masivisht në të njëjtat pika jetike, që janë dyqanet e ushqimeve, farmacitë dhe bankat. Dhe pastaj na rroftë izolimi për 23 orët e tjera, në rast se për 5 minuta takohemi me të gjithë komshinjtë e lagjes në supermarket”, thekson Patozi.
REAGIMI I PLOTE I ASTRIT PATOZIT
Liridalja me orar mund ta shtojë rrezikun e infektimit:
në rast se koncepti i karantinës masive në shtëpi është që të evitojmë infektimin të gjithë njëherësh, atëherë nuk ka asnjë kuptim kjo liridalja jonë me orare. Sepse në kohën e lejuar i bën njerëzit të grumbullohen masivisht në të njëjtat pika jetike, që janë dyqanet e ushqimeve, farmacitë dhe bankat. Dhe pastaj na rroftë izolimi për 23 orët e tjera, në rast se për 5 minuta takohemi me të gjithë komshinjtë e lagjes në supermarket.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Nga ana tjetër, nuk ka asnjë logjikë që ushqimoret dhe farmacitë të qëndrojnë hapur gjithë ditën, ndërkohë, kur ato mund të “sulmohen” nga blerësit vetëm në dy fashat orare, që ka caktuar qeveria. Kam përshtypjen se ata që e kanë ndarë mendjen të dalin nga shtëpia, do ta gjejnë në të gjitha rastet mënyrën dhe e gjithë çështja është të mos e bëjnë këtë të gjithë njëkohësisht.
Nuk dua aspak të hap një debat të panevojshëm, sepse është momenti më i papërshtatshëm për këtë, por mendoj se kjo masë duhet të rishikohet, duke ndjekur praktika të tjera të vendeve më të prekura në europë, sepse kam frikë se këtë lloj kufizimi me orar e kemi vetëm ne.
