LIGJET E BIZNESIT
Janë ndërprerë të gjitha fluturimet nga Italia në Shqipëri.
Lajmin e ka bërë të ditur ministrja e Transporteve Belinda Balluku, dhe arsyeton që ky vendim është marrë pasi Italia tashmë është e gjitha një zonë e kuqe.
Kështu, do të lejohet sot vetëm një avion i Alitalias, që ishte nisur nga Roma për në Rinas.
Gjithashtu edhe transporti me anije Itali-Shqipëri është ndaluar për udhëtarët.
“Do të lejohen të vijnë vetëm avionë ose tragete bosh, pa pasgjerë, që mund të marrin udhëtarët nga Shqipëria, por asnjë person nuk do lejohet të futet në Shqipëri me avionë apo tragete nga Italia. Një shqetësim që na është shfaqur nga ambasada apo autoritetet italiane. Në rastet kur Italia do të tërheqë shtetasit e saj do të jetë e mundur vetëm kur AlItalia të aksesojë Shqipërinë bosh, pa pasagjerë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Nuk do të lejohen më pasagjerë nga Italia për në Shqipëri. Avionët bosh mund të marrin pasagjerët nga Shqipëria në Itali.
Bëjmë thirrje që kompanitë duhet të akomodojnë, si Austrian Airlines në Austri apo Air Albania në Shqipëri akomodoni me data të tjera ata që kanë prerë bileta.
Sa i përket transportit detar. Sot do të nisen tragetet e fundit Vlorë- Brindisi dhe Durrës- Bari me pasagjerët që kanë blerë bileta. Pas këtij itinerari ndërpritet çdo lundrim drejt Italisë.
Vetëm anijet që vijnë bosh nga Italia qoftë që vijnë për pasagjerë me nënshtetësi italiane apo dhe të tjerë“, – tha Belinda Balluku.
Ndërkohë sonte do të nisen tragetet e fundit me pasagjerë nga Vlora dhe Durrësi. Pas ditës së sotme nuk do të ketë më udhëtime nga Bari dhe Brindisi.
