“Kush je ti që i bie telefonit?”/ Rama habitet nga kërkesa e qytetarit: O ca malesh thua o vëlla

Kryeministri Edi Rama në komunikimin e përnatshëm në portalin Shqipëria që duam tha se nuk do të jepen para për qytetarët por vetëm ushqime për ata që kanë nevojë.

Gjatë një telefonate me një qytetar Rama tha se “lekë në dorë s’ka, do të ndihmojmë sa për të ekzistuar, për të mbajtur frymën”.

Dialogu me qytetarin: 

Rama: Kush i bie këtij telefoni? Alo…
Qytetari: Fatmiri jam, ti i re…

Rama: Edi jam unë, Edi Rama. Ke shkruajtur në portal për një leje për lëvizje, si është puna?
Qytetari: Po ndonjë leje për të dalë nga mali për ndonjë punë, se ngelëm brenda pa lekë e pa bukë…
Rama: O ça malesh o vëlla?! Rrini në shtëpi do ju ndihmojmë…nuk ke punë nëpër male… të përqafoj…
Qytetari: Po mirë po rrimë në shtëpi, po ndonjë lekë dore për dritat…
Rama: Lekë në dorë s’ka! Do të ndihmojmë sa për të ekzistuar, për të mbajtur frymën.