“Kur do të mbarojë e gjitha kjo?” Ja si i përgjigjet Rama pyetjes më të përhapur këto ditë

Një nga pyetjet të bëra më shpesh kohët e fundit padyshim është dhe ajo se kur do të mbarojë e gjithë kjo situatë për shkak të pandemisë së koronavirusit.

As kryeministri Edi Rama, nuk i ka shpëtuar kësaj pyetje në një lidhje direkte me Neës 24.

Ai është përgjigjur duke i bërë thirrje të gjithë shqiptarëve që të mbledhin mendjen sepse asnjëherë nuk i dihet se kur mund të mbarojë kjo pandemi.

Ai ka shtuar se nuk hedh dot fall dhe asnjëherë nuk i dihet.

“Mblidhni mendjen top dhe mbroni gjyshërit tuaj. Nuk po na kërkohet as të kemi mitralozë. Po na kërkohet thjesht të bëhemi ushtarë të vetes tonë dhe të mos dalim nga shtëpië për gjëra koti, por të rrimë brenda. Unë fall nuk hedh dot por nuk mund të mbyllet kjo punë kështu duke u mbyllur vetëm 14 ditë brenda. Ku e dimë ne që pas 14 ditëve nuk do na duhen edhe 14 të tjera? Jemi të parët që morëm masa drastike, por jemi vend i vogël dhe nuk na lejohen eksperimente. Tashmë po ikin me vrap edhe superfuqitë por ata kanë dhjamë plot, në nuk kemi. Ne kemi vetëm mendjen, zemrën dhe njëri-tjetrin,”- deklaroi Rama.