Koronavirusi në Shqipëri/ Rama paralajmëron marrjen e masave të njëpasnjësshme, ja cilat janë ato

Kryeministri Rama paralajmëroi mbylljen e transportit urban  në Tiranë dhe Durrës, si një nga masat e marra për të parandaluar përhapjen e koronavirusit.

Kryeministri tha se po mbyllet transporti urban në këto dy qytete, për shkak se kanë regjistruar një numër më të madh të të prekurve  në krahasim me vendet e tjera.

“Kemi vendosur ndalimin e aktivitetit të gjitha bar-eve dhe restoranteve dhe ta shoqërojmë këtë me një sanksion nëse ata tentojnë ta hapin aktivitetin. Megjithatë duhet të falënderoj një pjesë të madhe që janë ndërgjegjësuar vetë dhe e kanë mbyllur aktivitetin. Do të bëjmë ndalimin e transportit urban në Tiranë dhe Durrës, sepse këto janë qytete më të mëdha dhe me një numër të prekur më lartë në krahasim më vendet e tjera. Asnjë shet nuk e ndali dot përhapjen e virusit, por ka shumë mundësi se si ndërton sistemin mbrojtës dhe këto masa janë pikërisht për mbrojtjen tonë. Ajo që u ndodhi vendeve që nuk i morën këto masa në momentin e shpërthimit, të mos na ndodhi ne. Po i marrim që në momentin e shpërthimit këto masa për të frenuar përhapjen, numri i të infektuarve do të rritet dhe mos u çudisni” tha Rama.