Mjeku infeksionist, Tritan Kalo, i ftuar në emisionin “Kjo Javë” në News24, ka dhënë lajmin e mirë se shumë pacientë të tjerë të infektuar me koronavirus do të lënë shumë shpejt spitalin.
Megjithatë, mjeku Kalo thekson se jo të gjithë pacientët e shtruar tek Infektivi kanë ecuri të mirë, dhe që katër prej tyre janë në terapi intensive.
Pjesë nga biseda:
“Do dalim shumë së shpejti, dhe të tjerët nuk kanë plotësuar Akoma atë kursin 10 ditor të trajtimit. Një pjesë e tyre janë në gjendje të mirë klinike. Jo të gjithë ata që kanë ardhur në spital kanë ecuri të mirë. Katër prej tyre janë në terapi intensive. Janë rëndë, por shpresojmë që të kemi maksimumin e dobishmërisë në trajtimin e tyre. Vetëm një në gjashtë të infektuar kanë të detyrueshme spitalin, për shkak të temperaturës, kollës, frymëmarrjes, pjesa tjetër trajtohen në shtëpi. Tani preken të gjithë, se është krijuar koncepti i gabuar sikur preken vetëm të moshuarit dhe të sëmurët kronikë”, u shpreh mjeku Kalo.
