Koronavirusi i merr jetën ish-presidentit të Real Madrid

Koronavirusi nuk kursen askënd. Sot është bërë publik lajmi se virusi COVID-19 i ka marrë jetën ish-presidentit të Real Madrid, Lorenzo Sanz. Njeriu që drejtoi “Los Blancos” nga 1995 deri në vitin 2000, me skuadrën që gjatë asaj periudhe triumfoi për herë të shtatë në Champions League humbi betejën me koronavirusin, pas komplikacioneve të rënda shëndetësore.
Sanz ishte shtruar prej disa ditësh në spital me temperaturë të lartë, ndërsa rezultoi pozitiv me virusin vdekjeprurës. Në moshën 76-vjeçare ai ishte në kategorinë e personave shumë të rrezikuar nga koronavirus dhe u nda nga jeta këtë të shtunë, më 21 mars.