Kompania shqiptare po krijon aplikacionin për të luftuar koronavirusin

I ftuar në studion e Ilva Now, në Euronews Albania Enjan Gazhga drejtori i kompanisë digjitale 1UP shpjegoi si funksionon ky aplikacion që mund të përdoret nga kushdo dhe se është shumë i thjeshtë në përdorim.

“Aplikacioni quhet COVID 0, sepse duhet të shkojmë tek 0 të infektuar. Ka 4 ditë që ka filluar, dedlajni është shumë strikt, kemi tri javë kohë që të japim fazën e parë.

Çdo user mund ta marrë aplikacionin dhe më parë duhet të plotësoj një formular. Emër, mbiemër, numër telefoni, adresë dhe pas kësaj ne japim një rejting nga 0-100 e cila është me ngjyra, nga bluja tek e kuqja.

Në rast se kanë dalë pozitivë, automatikisht shkon tek e kuqja. Kur shkon e kuqe, ne shkojmë tek kontakt-lista dhe gjurmojmë numrat që janë kotaktuar 14 ditët e fundit. Në bazë të pikëve më tej i klasifikojmë njerëzit, e më tej i gjurmojmë në zonat (location) ku jetojnë”, shpjegoi ai.